پشاور: پاکستان تحریک انصاف (پی ٹی آئی) کے رہنما شیر افضل مروت کے خلاف 11 مقدمات کو کالعدم قرار دینے کے لیے پشاور ہائی کورٹ سے رجوع کر لیا گیا۔
جسٹس اشتیاق ابراہیم اور جسٹس صاحبزادہ اسد اللہ شیر افضل مروت کی درخواست پر سماعت کریں گے۔ عدالت نے پی ٹی آئی رہنما کو آج (بدھ کو) ذاتی حیثیت میں پیش ہونے کی ہدایت کی ہے۔
واضح رہے کہ پی ٹی آئی رہنما شیر افضل مروت کے خلاف مختلف دفعات کے تحت 11 مقدمات درج ہیں۔
اس سے قبل 25 مارچ کو انسداد دہشت گردی کی عدالت (اے ٹی سی) نے 9 مئی کے مقدمات میں پاکستان تحریک انصاف (پی ٹی آئی) کے رہنماؤں عمر ایوب خان اور سیمابیہ طاہر کی ضمانتیں منظور کی تھیں۔ اے ٹی سی کے جج اعجاز آصف نے کیس کی سماعت کی اور ان کی ضمانتیں منظور کر لیں۔ 18 مارچ کو لاہور کی انسداد دہشت گردی کی خصوصی عدالت نے عمر ایوب خان کی 5 مقدمات میں 20 اپریل تک عبوری ضمانتیں منظور کی تھیں۔
Don’t forget to Subscribe our Youtube Channel & Press Bell Icon.
