واشنگٹن: امریکی صدر ڈونلڈ ٹرمپ نے ایران کی جانب سے سات روزہ جنگ بندی کی تجویز مسترد کر دی ہے۔ امریکی حکام کے مطابق ٹرمپ نے اپنے مشیروں کو بتایا ہے کہ وہ نومبر میں ہونے والے وسط مدتی انتخابات کے بعد ایران پر امریکی فوجی حملے دوبارہ شروع ہونے کی توقع رکھتے ہیں۔
مجوزہ معاہدے کے تحت ایران آبنائے ہرمز دوبارہ کھولنے اور اپنے جوہری پروگرام پر مذاکرات بحال کرنے کے لیے تیار تھا، جبکہ اس کے بدلے امریکا کو ایرانی بندرگاہوں کی ناکہ بندی ختم کرنا تھی۔ اس ناکہ بندی سے ایران کی معیشت کو شدید نقصان پہنچ رہا ہے۔
ٹرمپ کو شبہ ہے کہ تہران کسی معاہدے کے لیے ان کی شرائط قبول کرے گا۔ انہوں نے عوامی سطح پر دعویٰ کیا ہے کہ ایران وسط مدتی انتخابات کے بعد ایسا معاہدہ چاہتا ہے جس کے تحت اسے اپنا جوہری پروگرام ختم کرنا ہوگا۔
