یہ قیاس کیا جاسکتا ہے کہ الفاظ اس لمحے کی گرمی میں بولے گئے ہوں یا جان بوجھ کر بیان بازی کے طور پر کہے گئے ہوں، خواہ کسی بھی سوچ کے تحت کہے گئے ہوں، ان کا انتخاب غلط تھا، خاص طور پر ایک ایسے سیاسی رہنما کی طرف سے جس کے والد( نواز شریف) نے اپنی پارٹی کا بیانیہ ’ووٹ کو عزت دو‘ کے نعرے کے گرد بنایا ہے۔
پیر کو ساہیوال میں پارٹی ورکرز کنونشن میں مسلم لیگ (ن) کی رہنما مریم نواز نے ایک پرجوش تقریر کی جس کے دوران انہوں نے دعویٰ کیا کہ ملک میں انتخابات ’گاڈ فادر‘ اور ’سس لین مافیا‘ جیسے لیبلوں کے بعد ہی ہو سکتے ہیں ۔ اُنہوں نےعدلیہ کو نشانہ بناتے ہوئے کہا کہ اُن کے والد نواز شریف کو ان القابات سے عدلیہ نے نوازا ہے۔
انہوں نے کہا کہ جب تک انصاف نہیں ہوتا اور مسلم لیگ (ن) کے رہنماؤں کے خلاف جعلی مقدمات واپس نہیں لیے جاتے اور پاناما پیپرز کیس میں انہیں بے گناہ قرارنہیں دیا جاتا ،الیکشن نہیں ہوں گے۔ بلاشبہ، یہ دلیل دی جا سکتی ہے کہ محترمہ نواز نے محض جذباتی زبان کا سہارا لے یہ تقریر کی۔
پاکستان کی ایک پریشان کن تاریخ ہے جہاں انتخابات کا تعلق ہے، اور انتخابات میں تاخیر کے بارے میں ریمارکس اس حقیقت کی نشاندہی کرتے ہیں کہ ملک کا جمہوریت کے ساتھ عمومی طور پر کمزور رشتہ برقرار ہے۔
سیاسی پیغام رسانی کو فوری تحفظات سے بالاتر ہونا چاہیے۔ یقینی طور پر، ایک سویلین رہنما ایک فوجی آمر سے بہت کم مشابہت رکھتا ہے ۔ جس کی طاقت انتہائی حد تک ناقابل احتساب ہے – لیکن محترمہ نواز کو انتخابات کو آئین کے علاوہ کسی بھی چیز پر منحصر کرنے کے بیانیے سے پیچھے ہٹنا چاہیے۔
انتخابات کو ملتوی کرنا، دھاندلی کرنا یا انجینئرنگ کرنا یہ سب ووٹر کی مرضی کو ناکام بنانے اور اسے پامال کرنے کا ذریعہ ہیں۔ یہ ہتھکنڈے اکثر سیاسی مقاصد کے حصول کے لیے غیر منتخب قوتوں کی جانب سے استعمال کیے جاتے رہے ہیں، پھر بھی عوام کے مینڈیٹ کو چرانے کے جرم میں کبھی کسی کو جوابدہ نہیں ٹھہرایا گیا۔
اُنیس سو نوے کے انتخابات میں دھاندلی سے متعلق اصغر خان کیس میں سپریم کورٹ کو ایک تاریخی فیصلہ سنانے میں دو دہائیوں سے زیادہ کا عرصہ لگا۔ اس کے باوجود ملوث افراد کو سزا نہیں ملتی۔ پانچ جولائی 1977 کو، جس دن انہوں نے ذوالفقار علی بھٹو کو ایک بغاوت کے ذریعے ہٹایا، جنرل ضیاءالحق نے اعلان کیا کہ وہ 90 دنوں میں پارلیمانی انتخابات کرائیں گے۔ لیکن پھر، طے شدہ انتخابات سے چند ہفتے قبل، انہوں نے یہ کہتے ہوئے اچانک انہیں منسوخ کر دیا کہ ملک میں بہت زیادہ ہنگامہ آرائی ہے اس لیے انتخابات کا انعقاد ممکن نہیں۔انتخابات جمہوریت کی کلید ہیں۔ انہیں کبھی بھی لیڈروں کی خواہشات کے تابع نہیں ہونا چاہیے۔
