پاکستان پیپلز پارٹی کی رہنما اور وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ دھونس دھمکی اور بلیک میلنگ کی حکمت عملی ناکام ہونےکے بعد عمران خان نے ایک بار پھر اسٹیب کی منت سماجت شروع کردی ہے۔
عمران خان کے بیان پر اپنے ردعمل میں شیری رحمان کا کہنا تھا کہ گریبان پکڑنے سے کام نہیں ہوا تو عمران خان پاؤں پکڑنے پرآگئے ہیں، 10 ماہ اداروں کے خلاف ہرزہ سرائی کرنے والے اب کہتے ہیں کہ اسٹیب سےکوئی لڑائی نہیں۔
یہ بھی پڑھیں: https://republicpolicy.com/bat-karnay-k0-teyar-gutnay-nai-take-sakta-imran-khan/
شیری رحمان کا کہنا تھا کہ اداروں اور امریکا پر الزامات لگانے والے عمران خان انتخابات سے پہلے امریکا سے “خوشگوار” تعلقات جب کہ اسٹیب سے “بات” کرنے کے خواہش مند ہیں، یہ سیاست نہیں منافقت ہے۔
انہوں نے مزید کہا کہ عمران خان نئے آرمی چیف کو بات چیت کی نہیں بلکہ اقتدار میں لانے کی درخواست اور منت سماجت کر رہے ہیں، تحریک انصاف کو اقتدار میں آنے کے لیے اسٹیب کی بے ساکھیاں چاہئیں۔
