انسداد دہشت گردی کی عدالت (اے ٹی سی) نے جناح ہاؤس حملہ کیس میں پاکستان تحریک انصاف (پی ٹی آئی) کے بانی اور سابق وزیراعظم عمران خان کی عبوری ضمانت میں توسیع کردی۔
تفصیلات کے مطابق اے ٹی سی کے جج ارشد جاوید نے جناح ہاؤس حملے سمیت 3 مقدمات میں عبوری ضمانت کی درخواستوں پر سماعت کی۔
عدالت نے عبوری ضمانت میں 16 اپریل تک توسیع کرتے ہوئے پی ٹی آئی کے بانی عمران خان کے وکیل سلمان صفدر سے کہا کہ وہ آئندہ سماعت پر دلائل دیں۔
اس سے قبل 28 فروری کو اسلام آباد کی ایک عدالت نے تحریک انصاف کے بانی عمران خان، اسد عمر، فیصل جاوید اور دیگر کو احتجاج اور توڑ پھوڑ کے مقدمے میں بری کر دیا تھا۔
پی ٹی آئی کے بانی عمران خان، اسد عمر، فیصل جاوید خان، راجہ خرم شہزاد نواز، عابد حسین، علی نواز اعوان، ظہیر خان اور دیگر کے خلاف 26 فروری 2022 کو ترنول تھانے میں مقدمہ درج کیا گیا تھا۔
جوڈیشل مجسٹریٹ محمد شبیر نے کیس میں ان کی بریت کی درخواستیں منظور کرتے ہوئے رہائی کا فیصلہ جاری کیا۔
Don’t forget to Subscribe our Youtube Channel & Press Bell Icon.
