خصوصی سرمایہ کاری سہولت کونسل کے زیراہتمام اسلام آباد میں پاکستان کے سب سے بڑے آئی ٹی پارک کے قیام کی منظوری دے دی گئی ہے۔
آئی ٹی پارک وفاقی دارالحکومت کے جی-10 سیکٹر میں 3.3 ایکڑکے رقبے پر قائم کیا جائے گا۔ یہ پاکستان کے ٹیک لینڈ اسکیپ کے لیے ایک اہم سنگ میل ہے، جو جدت اور ترقی کے بے مثال مواقع فراہم کرے گا۔
یہ آئی ٹی پارک پبلک پرائیویٹ پارٹنرشپ موڈ کا حصہ ہے جس کے تحت تقریباً چھ ہزار فری لانسرز کو جدید ترین سہولیات فراہم کی جائیں گی۔
پروجیکٹ کا مقصد ایک ایسا ماحول فراہم کرنا ہے جہاں آئی ٹی انڈسٹری میں تخلیقی صلاحیتوں اور تعاون کی حوصلہ افزائی کی جائے۔
آئی ٹی پارک منصوبے کی کامیابی کے لیے پاکستان سافٹ ویئر ایکسپورٹ بورڈ اور وزارت انفارمیشن ٹیکنالوجی اینڈ ٹیلی کمیونی کیشن کے ساتھ مذاکرات جاری ہیں۔
Don’t forget to Subscribe our Youtube Channel & Press Bell Icon.
