وزیراعظم کے معاون خصوصی فیصل کریم کنڈی کا کہنا ہے کہ پاکستان نے کبھی کوئی جارحیت نہیں کی اور نہ ہی کرے گا تاہم کسی بھی جارحیت کے لیے ہمہ وقت تیار ہے اور اگر کسی قسم کی جارحیت بھی کہیں سے ہوئی تو اس کا منہ توڑ جواب دیا جائے گا۔
Read More: https://republicpolicy.com/india-must-abandon-its-policy-of-abetting-terrorism-pakistan/
انہوں نے یہ بات اسلام آباد میں ایک نیوز کانفرنس کے دوران وفاقی وزیر شازیہ مری کے بیان کی حمایت میں کہی جس میں اُنہوں نے کہا تھا کہ بھارتی میڈیا خطے میں خوف و ہراس کی فضا کو ہوا دے رہا ہے۔
فیصل کریم کنڈی نے کہا کہ پاکستان نے ہمیشہ اپنے تمام پڑوسی ممالک کے ساتھ دوستانہ تعلقات کی خواہش کی ہے لیکن یہ بھارت ہی ہے جو خطے میں دہشت گردی کی سرپرستی کرتا ہے اور غیر قانونی طور پر مقبوضہ جموں و کشمیر میں انسانی حقوق کی سنگین خلاف ورزیاں جاری رکھے ہوئے ہے۔
انہوں نے کہا کہ وزیر خارجہ بلاول بھٹو زرداری کا اقوام متحدہ میں بیان حقائق پر مبنی ہے اور پاکستان اور بھارت کے غیر قانونی طور پر مقبوضہ جموں و کشمیر کے عوام کے جذبات کی عکاسی کرتا ہے۔
