لاہور ہائیکورٹ نے ہیلمٹ کے بغیر موٹر سائیکل سواروں کو پیٹرول نہ دینے کا جاری کردہ نوٹیفکیشن معطل کر دیا۔
جسٹس راحیل کامران شیخ نے شہری عرفان بشیرکی درخواست پر سماعت کی ہے۔ عدالت نے پابندی کا نوٹیفکیشن معطل کرتے ہوئے وفاقی حکومت سمیت دیگرکو نوٹس جاری کرتے ہوئے جواب طلب کرلیا۔
درخواست گزار نے مؤقف اپنایا کہ نوٹیفکیشن کے ذریعے پیٹرول پمپ پر بغیر ہیلمٹ سیل پر پابندی لگا دی گئی۔ عدالت نے ریمارکس دیے کہ محض نوٹیفکیشن کے ذریعے کس طرح پیٹرول دینے پر پابندی لگائی جاسکتی ہے؟
ہائیکورٹ نے مؤقف اپنایا کہ ایسا کیا جانا آئین کے بنیادی حقوق کی نفی ہے ،حکومت معاملے پر قانون سازی کرے۔ بعد ازاں ہائیکورٹ نے حکومت سمیت دیگر فریقین کو نوٹسز جاری کرتے ہوئے جواب طلب کرلیا۔
