Premium Content

پنجاب اور خیبرپختونخوا میں بھرتیوں، سرکاری ملازمین کے تقرر و تبادلوں پر پابندی عائد

Print Friendly, PDF & Email

الیکشن کمیشن آف پاکستان نے خیبر پختونخوا اور پنجاب کی نگران حکومتوں کے لیے گائیڈ لائنز جاری کردیں۔

الیکشن کمیشن کی جانب سے جاری نوٹیفکیشن میں کہا گیا ہےکہ نگران حکومتیں الیکشن کے انعقاد کے لیے الیکشن کمیشن کی معاونت کریں۔

مزید پڑھیں: https://republicpolicy.com/nagran-wazir-e-alaa-punjab-mohsin-naqvi/

الیکشن کمیشن نے پنجاب اور خیبر پختونخوا کی تمام وزارتوں، ڈویژن، محکموں اور اداروں میں بھرتیوں پر پابندی عائد کردی ہے۔

نوٹیفکیشن میں کہا گیا ہےکہ الیکشن کمیشن کی منظوری کے بغیر کسی سرکاری ملازم کی تقرری یا تبادلہ نہیں ہوگا، اس کے علاوہ پنجاب اور خیبر پختوانخوا میں کسی ترقیاتی منصوبےکا اعلان نہیں کیا جائے گا، خیبرپختونخوا، پنجاب اورکینٹ بورڈ کے تمام ترقیاتی فنڈز انتخابات کے نتائج کے اعلان تک منجمد رہیں گے۔

الیکشن کمیشن نے ہدایت کی ہےکہ سیاسی بنیاد پر بھرتی شدہ تمام اداروں کے سربراہان کو فوری برطرف کیا جائے، سابق وزرائے اعلی، وزراء، مشیران کی سرکاری رہائش گاہیں خالی کرائی جائیں اور سرکاری گاڑیاں بھی واپس لی جائیں۔

مزید پڑھیں: https://republicpolicy.com/nagran-wazir-e-alaa-khyberpakhtunkhawa-azam-khan/

الیکشن کمیشن نے حکم دیاکہ نگران وزرائے اعلیٰ اور وزراء تین روز کے اندر اثاثوں کی تفصیلات جمع کرائیں۔

خیال رہے کہ پنجاب اور خیبرپختونخوا میں اسمبلیاں تحلیل ہوگئیں اور نگران وزرائے اعلیٰ نے بھی منصب سنبھال لیا ہے۔

Leave a Comment

Your email address will not be published. Required fields are marked *

Latest Videos