اسلام آباد: سینیٹ آف پاکستان نے جمعرات کو الیکشن ایکٹ ترمیمی بل 2024 منظور کر لیا۔
الیکشن کمیشن ہائی کورٹ کے ریٹائرڈ ججوں کو ٹربیونلز کے طور پر تعینات کر سکے گا۔ بل میں الیکشن ایکٹ کی دفعہ 140 میں ترمیم کی گئی۔
الیکشن ایکٹ ترمیمی بل کی منظوری کے وقت اپوزیشن نے ایوان سے ٹوکن واک آؤٹ کیا۔ اپوزیشن سینیٹرز نے بل کی کاپیاں بھی پھاڑ دیں۔ انہوں نے نعرے بھی لگائے۔
انہوں نے ایوان بالا سے واک آؤٹ بھی کیا۔تاہم بعد میں اپوزیشن ایوان میں واپس آگئی۔
اس موقع پر سینیٹر علی ظفر نے کہا کہ اس بل میں حکومت کی سازش شامل ہے۔
اپوزیشن لیڈر شبلی فراز نے کہا کہ وزیر قانون اکثریت کی وجہ سے کسی کی نہیں سنتے۔ انہوں نے 8 فروری کے انتخابات کو صدی کا سب سے متنازعہ قرار دیا۔
وزیر قانون اعظم نذیر تارڑ نے اپوزیشن کو جواب دیتے ہوئے کہا کہ الیکشن ٹربیونلز کو جلد کام کرنا چاہیے کیونکہ اس کے لیے قانون سازی ہوئی ہے۔ انہوں نے کہا کہ ڈسکہ کا الیکشن چرانے والے آج انہیں سکھا رہے ہیں۔
Don’t forget to Subscribe our Youtube Channel & Press Bell Icon.
