امریکی صدر ڈونلڈ ٹرمپ اور یوکرینی صدر زیلن سکی کے درمیان اگلے ہفتے دوبارہ ملاقات کا امکان ظاہر کیا جا رہا ہے۔
یوکرینی صدر زیلن سکی نے کہا کہ وائٹ ہاؤس میں یوکرین جنگ کے خاتمے پر ہونے والا تبادلہ خیال تلخ ملاقات کی وجہ بنا، یوکرین روس کیخلاف بڑی عسکری قوتوں سے گہرے تعلقات چاہتا ہے۔
یوکرینی صدر ولادیمیر زیلن سکی پچھلے ہفتے ہونے والی ملاقات کے نتیجے کو قابو کرنے کی کوشش کر رہے ہیں جس میں ان کی سرزنش کی گئی اور وائٹ ہاؤس سے باہر نکال دیا گیا تھا۔
مغربی ذرائع ابلاغ کے مطابق یوکرینی اور امریکی حکام نے ایک اورملاقات پر کام کرنا شروع کر دیا ہے۔ اس حوالے سے یوکرینی صدر زیلن سکی نے کہا کہ وہ مذاکرات کی میز پر آنے کے لیے تیار ہیں تاکہ مستقل امن لایا جا سکے، ٹرمپ کے ساتھ معاملات درست کرنا چاہتا ہوں۔
