لاہور آج دنیا کے آلودہ ترین شہروں کی فہرست میں ہوا کے خراب معیار کی وجہ سے سرفہرست ہے۔
محکمہ تحفظ ماحولیات پنجاب کی جانب سے شیئر کی گئی تفصیلات کے مطابق لاہور میں ہوا کا معیار 498 ریکارڈ کیے جانے کے بعد انتہائی خطرناک رہا۔
لاہور میں سموگ کے باعث لوگ آنکھوں میں جلن اور گلے میں خراش کی شکایت کر رہے ہیں۔
ایئر کوالٹی انڈیکس کا حساب پانچ آلودگی کی درجہ بندی کی بنیاد پر کیا جاتا ہے: زمینی سطح اوزون، پارٹی کیولیٹ میٹر، کاربن مونو آکسائیڈ، سلفر ڈائی آکسائیڈ، اور نائٹروجن ڈائی آکسائیڈ۔
ایئر کوالٹی انڈیکس 151-200سے زیادہ کو غیر صحت بخش سمجھا جاتا ہے، جبکہ 201 اور 300 کے درمیان ایئر کوالٹی انڈیکس کی درجہ بندی زیادہ نقصان دہ ہوتی ہے اور 300 سے اوپر ایئر کوالٹی انڈیکس کو انتہائی زہریلا قرار دیا جاتا ہے۔
Don’t forget to Subscribe our Youtube Channel & Press Bell Icon.
ماہرین کے مطابق موسم سرما میں فضائی آلودگی میں اضافہ ریکارڈ کیا جاتا ہے۔ ہوا کی رفتار، ہوا کی سمت میں تبدیلی اور کم سے کم درجہ حرارت کی وجہ سے فضائی آلودگی بڑھ جاتی ہے۔
موسم گرما کے مقابلے میں سردیوں میں ہوا بھاری ہو جاتی ہے جس سے فضا میں موجود زہریلے ذرات نیچے کی طرف جاتے ہیں اور فضا آلودہ ہو جاتی ہے۔ نتیجے کے طور پر، آلودہ ذرات کی ایک تہہ جس میں کاربن اور دھوئیں کی بڑی مقدار شامل ہے، شہر کو ڈھانپ لیتی ہے۔
ماہرین کا کہنا ہے کہ فصلوں کی باقیات، فیکٹریوں اور کوئلہ، کچرا، تیل یا ٹائر جلانے سے پیدا ہونے والا دھواں فضا میں داخل ہوتا ہے اور اس کے اثرات موسم سرما کے آغاز پر ظاہر ہوتے ہیں اور موسم کے اختتام تک رہتے ہیں۔
