آذربائیجان کی قومی ایئر لائنز آئندہ ماہ کی 20 تاریخ سے پاکستان کے لیے معمول کی پروازیں شروع کرے گی۔
اسلام آباد میں آذربائیجان کے سفارت خانے کے ترجمان نے بتایا کہ یہ پروازیں اسلام آباد، لاہور اور کراچی کے لیے چلائی جائیں گی۔
باکو سے اسلام آباد کے لیے پروازیں بدھ اور ہفتہ، لاہور کے لیے پیر اور جمعہ اور کراچی کے لیے جمعرات اور اتوار کو چلائی جائیں گی۔
ترجمان نے کہا کہ یہ پروازیں سیاحت اور نقل و حمل کے فروغ اور آذربائیجان اور پاکستان کے درمیان سفارتی تعلقات کو مضبوط بنانے میں معاون ثابت ہوں گی۔
