پنجاب کے نگراں وزیراعلیٰ محسن نقوی نے کپاس کی فصل کی پیداوار بڑھانے کے لیے پاکستان اور ازبکستان کے درمیان زرعی شعبے میں مشترکہ منصوبوں کی ضرورت پر زور دیا ہے۔
وہ اتوار کو تاشقند میں ازبکستان کے وزیر زراعت ڈاکٹر عزیز ووٹوف سے بات چیت کر رہے تھے۔
اس موقع پر گفتگو کرتے ہوئے وزیر اعلیٰ نے کہا کہ ازبکستان خطے میں کپاس پیدا کرنے والے سرفہرست ممالک میں سے ایک ہے اور پاکستان کپاس کی پیداوار بڑھانے کے لیے اپنے تجربات سے سیکھنے کا خواہاں ہے۔
انہوں نے کہا کہ پاکستان کی سیاسی اور عسکری قیادت زراعت کی پائیدار ترقی کے لیے پرعزم ہے۔
