پاکستان اور عمان نے مختلف شعبوں میں دوطرفہ تعلقات کو مزید گہرا کرنے پر اتفاق کیا ہے۔ پاکستان اور عمان نے باہمی دلچسپی کے تمام شعبوں میں دوطرفہ تعلقات کو مزید فروغ دینے کی خواہش کا اعادہ کیا ہے۔
یہ مفاہمت صدر مملکت ڈاکٹر عارف علوی اور سلطان کی مسلح افواج کے عمانی چیف آف سٹاف وائس ایڈمرل عبداللہ بن خامس الرئیسی کے درمیان ملاقات کے دوران ہوئی جنہوں نے اپنے وفد کے ارکان کے ہمراہ اسلام آباد میں صدر مملکت سے ملاقات کی۔
دونوں اطراف نے تجارت، دفاع اور ثقافت کے شعبوں میں تعاون کو مزید بڑھانے کی ضرورت پر زور دیا۔
عمانی وفد کا خیرمقدم کرتے ہوئے صدر مملکت نے کہا کہ پاکستان عمان کے ساتھ اپنے تعلقات کو انتہائی قدر کی نگاہ سے دیکھتا ہے کیونکہ دونوں ممالک نے بین الاقوامی فورمز پر مختلف مسائل پر ایک دوسرے کا ساتھ دیا اور ایک مشترکہ مذہب، تاریخ اور ثقافتی ورثے میں بندھے ہوئے ہیں۔
Don’t forget to Subscribe our Channel & Press Bell Icon.
انہوں نے وفد کو بتایا کہ پاکستان نے اپنی معیشت کے مختلف شعبوں بالخصوص زراعت میں سرمایہ کاری کے مواقع فراہم کیے ہیں۔
انہوں نے مزید کہا کہ زراعت کے شعبے میں تعاون دونوں ممالک کی غذائی تحفظ کی ضروریات کے لیے انتہائی اہم ہے۔
ڈاکٹر عارف علوی نے دونوں ممالک کو مزید قریب لانے کے لیے گوادر اور مسقط کے درمیان فیری سروس شروع کرنے کی تجویز بھی دی۔دونوں فریقین نے تعلقات کو معمول پر لانے پر ایران اور سعودی ولی عہد شہزادہ محمد بن سلمان کی قیادت کو بھی سراہا اور اسے خطے کی خوشحالی کے لیے ایک اہم پیش رفت قرار دیا۔
صدر نے وفد کو بھارت کے غیر قانونی طور پر مقبوضہ جموں و کشمیر میں انسانی حقوق کی سنگین صورتحال سے بھی آگاہ کیا۔انہوں نے جموں و کشمیر تنازعہ پر پاکستان کے موقف کی حمایت کرنے پر سلطنت عمان کا شکریہ ادا کیا۔
ملاقات کے دوران وائس ایڈمرل عبداللہ بن خامس الرئیسی نے صدر مملکت عارف علوی کو عزت مآب سلطان ہاتم بن طارق بن تیمور کی جانب سے پیغام پہنچایا۔
