لاہور: پاکستان مسلم لیگ نواز کی قیادت میں پنجاب میں حکمران اتحاد نے سپریم کورٹ کے فیصلے کے بعد پنجاب اسمبلی میں 27 مخصوص نشستیں کھو دی ہیں، جن میں سے23 کا تعلق مسلم لیگ ن، دو کا پیپلز پارٹی اور ایک ایک کا مسلم لیگ ق اور آئی پی پی سے ہے۔
پنجاب اسمبلی میں 24 نشستیں کھونے کے بعد، صوبائی ایوان میں مسلم لیگ (ن) کی نشستیں اب کم ہو کر 205 رہ گئی ہیں ۔ مسلم لیگ (ن) کے اتحادیوں – پی پی پی کے پاس 14، مسلم لیگ (ق) کے پاس 10، اور استحکام پاکستان پارٹی کے پاس اب چھ نشستیں ہیں۔
پی ٹی آئی/سنی اتحاد کونسل کی 27 نشستوں کے اضافے کے ساتھ تعداد 131 تک پہنچنے کا امکان ہے۔ پی ٹی آئی کی اتحادی مجلس وحدت المسلمین کے پاس ایوان میں ایک نشست ہے۔ پنجاب اسمبلی میں تحریک لبیک پاکستان اور مسلم لیگ زیڈ کے پاس ایک ایک نشست ہے۔
پی ٹی آئی کےپارٹی رہنماؤں نے سپریم کورٹ کے فیصلے کا خیر مقدم کیا ہے۔
مئی میں، پنجاب اسمبلی کے اسپیکر ملک احمد خان نے مخصوص نشستوں پر منتخب ہونے والی 24 خواتین اور تین اقلیتی ایم پی اے کو معطل کر دیا تھا اور سپریم کورٹ کی جانب سے ایس آئی سی/پی ٹی آئی کے علاوہ دیگر جماعتوں کو مخصوص نشستیں مختص کرنے کے ای سی پی کے فیصلے کو معطل کرنے کے بعد انہیں ایوان کی کارروائی میں شامل ہونے سے روک دیا تھا۔
Don’t forget to Subscribe our Youtube Channel & Press Bell Icon.
جن خواتین ایم پی ایز نے نشستیں کھودی ہیں ان میں مقصوداں بی بی، روبینہ نذیر، سلمیٰ زاہد، کنول نعمان، زیبا غفور، سعیدہ ثمرین تاج، شہربانو، آمنہ پروین، سید سمیرا احمد، عظمیٰ بٹ، افشاں حسین، شگفتہ فیصل، ساجدہ نوید، فرزانہ عباس، ماریہ طلال، تسین فواد، عابدہ بشیر، سعیدہ مظفر، فائزہ مونیما، عامرہ خان، سمیعہ عطا، راحت افزا، رخسانہ شفیق اور نسرین ریاض شامل ہیں۔
اقلیتی ایم پی اے طارق مسیح گل، وسیم انجم اور بسرو جی نے ابھی سپریم کورٹ کے فیصلے کے بعد اپنی نشستیں کھو دی ہیں۔
سپریم کورٹ کی جانب سے پی ٹی آئی کی مقررہ نشستیں واپس کرنے کے فیصلے کا خیرمقدم کرتے ہوئے پنجاب اسمبلی میں اپوزیشن لیڈر ملک احمد خان کا کہنا ہے کہ پنجاب اسمبلی میں ان کی پارٹی کے ارکان کی تعداد 140 تک پہنچ گئی ہے۔
پی ٹی آئی ارکان نے لاہور پریس کلب کے باہر کارکنوں اور حامیوں میں مٹھائیاں تقسیم کیں۔ ایم پی اے فرخ جاوید مون اور پارٹی کے دیگر رہنماؤں اور کارکنوں نے عمران خان کے حق میں نعرے لگائے۔
